Australia Zomi

Ih web administrator Pa Sawm Thang leh Khawmlun te in, 27/1/10 ni in, Box Hill Hospital ah ta numei hoih liklek khat hong nei cih thu za ih hih man in, lungdam pih mahmah hang.

Hun a ngah teh a mahmah in, a mann (photo) tawh hong suak sak leh mu nuam mahmah hang.

Admin update : Lungdam ei.. Hiah maan hong koih ing ei, na en dih ve vua

Naungek profile :

Min : Hoih Zo Kim Suante

Pian ni leh hun : Jan. 27. 2010 nitaklam nai 1.53

Weight : 3.32kg (7.32 pound)

A hong tung ding January 26, 2010 zing lam nai 9.30 kiim in Karralyka theatre, Ringwood East ah Pa Cin Sian Khai Sektak leh a inkuanpihte'n Australia gammi hihna ngah ta ding uh hi.  Amau innkuan tangthu tom Maroondah Journal January 19, 2010 issue ah hih a nuaia bangin kigelh hi.

Melbourne a om Zomite kikhopna khat ahi Melbourne Burmese Community Church (MBCC) in nimit January 17, 2010 niin kum 13 meel a muh Topa tungah lungdam kohna hun zangin Melbourne Zomi Christian Fellowship te banah Melbourne tumlama om Zomite'n zong hih lungdamna ni lungdampihin uap ciat uh hi. Hih hunah khangnote'n Praise & Worship makaihin, MBCC Pastor Rev. Gin Do Dal te nupa in Pawlpi makai tuamtuam - Khangno, Women Deptt. banah a tangzang zaw diak memberte tungah letsong hawmna nei uh a, Evan. Langh Do Khup in hanthotna hun zang hi.  Finance Report kicing tak banah MBCC Mission nasepna tuamtuam Pa Suan tung pan ngaihkhiatna zong om a, Pawlpi in Tears gospel Ministries in a sawtlo a Zogam maal kuam crusade a neihna ding uh huhna sum zong Evan. Langh Do Khup aap uh hi.

Hun man khit ciangin Nu Vung te innkuan thusiamna tawh buhman lim mahmah a paikhawm mipite'n ne khawm uh hi.

Hun zatna maan te >> HIAH CLICK AW<<

 13 Jan 2010 ni Zomi Revolutionary Army (ZRA) salpha-60 te Aisih le Phaisat khua kikal aom Meitei singnuaimite camp abuluh dingin operation lut uhi. People Liberation Army (PLA) kici meitei singnuaimi sung pan athahat pen le akum tak pen Meitei singnuaimite hi uhi. RA te buluh ding thei khol uh ahimanin Meiteite na kihem khia man in, RA te ciahkikna lampi ah 5 PM hun in PLA te in na pangkik uh ahimanin Phaisat khua gei mualdung ah nasiatak in kikap phial uhi. RA lam pan galmai pen (point) ah pai masa Taang Thang Za Muan @ Mark, Go Chin Khup Veng, New Lamka le point 2 na ah pai Taang Thang Min Lun@ Tiger, Tiger of Sanggaikot te in Zogam le Zomi adingin anuntak uh piakhia uhi. PLA te lam pan in zong mi thumte tua mun ah RA te kap paih in si pah uhi. Tua ban ah PLA lam pan tampi mah liam le bai in taikek mang uh in, 16 Jan 2010 ni zingsang in Meiteite 2 Cikha zato ah si in aliam abai zong tampi tak om lai hi cih thu kiza hi.