Pasian-in ZAA Vaaihawmna hong lungkimpih man-in Zogam sungteng-ah Pasian-in azat mahmah Khazihpawlzawnmi Langh do Khup-tawh nuamtak-in hun azangh khawmthei, zanghkhawm laaiding I-hihman-in Pasian' Hoihnaphapi naakpi-in eite' ading-in kicinghi ci-in I-mangg uhhi.
Khazihpawlzawnmi LDKhup-pen Australia-ah ahong-hawh hi-a, ZAA' vaaihawmna-tawh zintunna nei-buang ahihman-in Itna leh neekngaihna-tawh atutpih akhawlpihnuam I-om zenzen lehzong "Tua-ni, tua-hun ciang-in hun ka-ngahkhawm thei-uhtam?" ci-in azinpa (zintunna) dotding akilawm-khat hi-a, "lem mahhi, lemlo-hi" cihziau dingpen akigeelsa program tungtawn-a dawnna ahihkei buangleh ama' zintunna te-inzong amau' thu-in dawnna piakziau theihdaan hilo-hi, banghanghiam cihleh kipawlna-tawh akivaaihawm thu-khat peuhpeuh-ah kikupkhopna akisam leh akuul ahihi.
Kongzing vaak-kawm khawng-in ahihkeileh biakinn kikhop-hiam, nitaak kikhop-hiam khawngpan-a muhpak-tawh kipsakding leh kamsiam ciang nangawn atelcianhak ding-in zotna-daan I-bawl ciang-in apiicing khollo leh akilawmlo-tawh kisuun-thei ahihman-in pulehpate' ngeina mahbang-in apiicing penpendingmah I-haanciamding kahong thuumnuam uhhi, banghanghiam cihleh thu khatpeuhpeuh I-thupibawl ciang-in "athupi" hipah-a, I-thuneubawl ciang-in ei' ading-in "athuneu" suakpah ahihna I-ki zasaksawn uhhi.
Thu khatpeuhpeuh minam kihualna ding bekmah I-tup I-ngiim ahihman-in minam kihualna' ading akuamapeuh-in haanciam-a, upate' kicinlahna khempeuh mipi lampan-in nong telsiam kimciat nading-uh zahtaakna lianpi-tawh kongthuum uhhi.
ZAA Thuzeekpawl
