Australia Zomi

Pa Neng Za Dong, kum 70, Cikha khua a teengin nimit January 3, 2010 zingsang nai 5 kiimin Lamka panin lungtang natna leh sikhum (diabetes) natna hangin tawntung gam hong zotsan cih thu kiza hi.
Pa Dong in a zi Nu Go Khaw Vung leh a tate - Kam Cin Pau (Yangon), Cing  Hau Vung (Cikha), Neng Suan Mang (Cikha), Khen Thang (Melbourne), Nang Khan Khup (Melbourne), Lian Khan Khai (Cikha), Zam Khan Niang (Cikha), Niang Lun Cing (Cikha) leh Man Lal Lian (Cikha) banah tu 14 nusia hi.
Pa Dong tate lakah Pa Nang Khan Khup pen Melbourne Zomi Christian Fellowship (ZCF)ah Vice Chairman ahih banah Zomi Association Australia (ZAA) ah zong makai lakah kihel a, Pa Khen Thang pen ZCF Executive Committee member ahi hi.
Pa Dong hong nusiatna thu a kitheih phetin Melbourne a a om Zomite'n Pa Khupte' innah hun zatna neiin hih hunah Sia Mang in hanthotna thu gen hi.
Zing ciangin ZCF Melbourne in nitaklam nai 7:30 ciangin tutpihna neih sawm cih thu kiza hi.
Pa Dong i nusiat a tu leh tate leh ama hong nusiatna hanga a dah khempeuh i Topa Pasianin hehnepna hong piaksak ta hen.

Comments (0)