ZAA Gospel Crusade kipan |pics updated@LMC|
Nimit January 8, 2010 nitak nai 7.30 panin Zomi Association Australia (ZAA) makaihna tawh Gospel crusade kipan ta hi. Hih hunah Khitui Gospel Ministries a phuankhia Evan. Langh Do Khup in thuhilhna hun zang hi. Melbourne tum lam leh suahlam baanah mun tuamtuam panin Zomi crusade zang dingin kipai a, a kihel kitam semsem ding kilamen hi.
Crusade kipat ni pan January 10, 2010 tan Melbourne Zomi Christian Fellowshipte makaihna tawh Lilydale Baptist Church ah nitak nai 7:00 a kipanin kinei den ding a, Jan. 15 - 17, 2010 sung Life Ministry Centre, Chirnsidepark ah Melbourne Burmese Community Church (MBCC) te makaihna tawh hun kizang leuleu ding hi.
Thu kingah danin ZCF Melbourne te'n amau makaihna tawh hun kizat sung a sumpi kikaikhawm khempeuh Crusade vai leh atuamtuam a zat dingin ZAA makaite tungah ap khit sawm uh hi.
Hih crusade pen biakna vaai tawh kisai a Melbourne a om Zomite kihelkimna pen ahih ding zong kilamen hi. Tua banah media coverage pen australiazomi.com in a tam thei pen kicover ding hi.
Crusade zaan masa maante (anuaiah):
Zaan nihna maante >>
Nimit Jan. 15, 2010 | ZAA Crusade @ Melbourne Burmese Community Church pics
A tawp zaan > January 17, 2010<
