Australia Zomi

Iron Cross Concert

Akpi maw aktui koi upa zaw cih dotna haksa leh buaihuai pen scientist te'n a dawnna mu khia ta uh hi.  British scientist te'n hih dotna tawh kisai dawnna mu khia ta hiin kigen uh hi.  Thu ngentel tak a a sui mite'n aktui piankhiatna ding a a poimawh mahmah protein khat ovocleidin kici mu khia uh a, hih pen ak tui lai naubu sungah a kibawl hi ciin Daily Express in report hi. Tua ahih manin, hih dotna haksa leh buaihuai dawnna pen akpi mah suak masa-in upa zaw hi.
Sheffield University a sem Dr. Colin Freeman in, "Aktui pen upa zaw ding a a kiupmawh zawh sawt khin zo a, ahih hangin tuin akpi mah a upat zawk lam scientific tak a theihtel hi ta hi," ci  hi.
@@@@@@@@@@@@@@
Thierry Henry in Barcelona nusia in New York Red Bulls zom ta ding.
Henry in France gam a dingin 123 vei kimawl a, goal 51 khum hi.  Kum 32 a pha Henry in kum 2007 in Barcelona a kimawl dingin kipia a, kum khat sung a om kul lai hi mah leh a club te'n a nusiat ding phalsak uh hi.  Kum 1999 pan 2007 sungin Henry in Arsenal a dingin kimawlna 370 ah goal 226 thun hi.
@@@@@@@@@@@@@@
Prime Minister Julia Gillard in Governor General a muh khit ciangin tukum gam uk ding kiteelna hun dingin August 21 teel hi.  Australia pen democracy gam ahih mah bangin vote i khiat ut leh ut loh ei ma thu hi a, ahih hangin i theih dingin - vote na khiat kei leh sum tampi liau ding hi teh! Vote khia in la.. sum save in..
@@@@@@@@@@@@@@
Ground Zero a kicih na mun World Trade Centre dinna nuai leisungah kum 1700 kiim a kibawl gunkuangpi tokhia uh hi.  Archeologists ten hih gunkuangpi pen Manhattan khuapiah leitang behlapna ding a kumzabi 19 hun laia a tumsak uh hi dingin ummawh uh hi.
Molly McDonald in Manhattan khuapi nuailam seh thum suah seh khat pen mihing bawl tawm hiin, kum 1797 leh 1836 kikal a kibawl ahi hi, ci hi.  1797 main hih mun pen Hudson lui omna hi a, ground zero mun i a lang bang huap hi.

Centrelink makaihna in July 20, 2010 ni zing lam nai 9:30 pan 11:30 kikalin Ringwood Centrelink Office, 2-6 Bond Street, Ringwood ah Chin/Karen namte a dingin nasepna leh training tawh kisai kisinsakna leh theih ding a kilawm thute genkhawmna hun om ding a, hih hunah Sally Chan leh Rick Comfort in makaih ding uh hi.

The Centrelink will organise a meeting on Tuesday 20 July from 9:30 am to 11:30 am  at the Ringwood Centrelink office 2 - 6 Bond Street, Ringwood. Feedback from service providers and the Chin/Karen communities has suggested that we would hold a workshop at the next meeting, to address some employment/training issues raised; and develop strategies to narrow service gaps.

Min               : Pa AMung zi Nu Niang Deih Lian nau Lia Nel Nuam Mang

Sih hun         : June 25, 2010 nitak lam nai 1:30 (AEST)

Khua             : Tuikhal, Myanmar

Vui hun ding  : June 27, 2010 nitaklam nai 6:30

Sihna hang    : Electric hanga tuahsia

June 26, 2010 nitakin Zomi Association Australia (ZAA) innteekna in Zomi a hi thei bangin dahpihna leh thuakpihna hun zang a, hih hunah Pa T. Zo Khai in hunkem hi.  Pa Thang Khai in innteekte thupha piakna leh thungetsakna hun zangin Pa Tun Khan Pau in hanthotna thu gen hi.

Lia Nel Nuam Mang hong nusiatna hanga a dah a kap a a lungzuang khempeuh i thuakpih a, i biak Topa Pasianin hehnepna hong piaksak ta hen!