Australia Zomi

Search

You are here: Australia Zomi Info

Zomi Community, Queensland

Zomi Community, Queensland tawh kisai thu leh la khempeuh

Queensland Zomite thuthak leh zaksakna

Wednesday, 09 June 2010 09:46 Cing Suan Naulak

Queensland a om Pa Lian Khan Za Sing te in ta nu hoih mahmah khat ni 5/06/2010 ni zingsang in hong nei uh cih thu kiza hi.

A hong tung ding June 13, 2010 (Nipini) zingsang lam nai 10 pan nitak lam nai 5 ciang dong Dr. Suan Muan Thang te innkuan in lungdampihna annkuang lui sawm uh ahih manin Brisbane a om Zomi khempeuh pai ciat ding hi. Hih hun tawh kitonin Queensland Zomi committee zong kinei pah ding cih thu kiza hi.

Tua banah June 9, 2010 niin Pa Vungh Do Thawng te a nupa Malaysia pan Brisbane ah ciidam tak in hong tung uhi hi. A khua lui uh pen Pimpih ahi hi. Ahongt ung ding ni 19/6/2010 ni ciangin Queensland a om Zomi tengin maithak muakna ankuang umkhoppihna amau inn mahah nei ding uh hi.

Add comment (1)

Last Updated on Monday, 14 June 2010 06:03

Zomi Christian Fellowship, Brisbane te'n Lungdam bawl nuam takin zang zo

Tuesday, 29 December 2009 08:28 Admin

Picture 191.jpg Ni 26 /12 /09. ni-in Queensland a om Zomite kipawlna khat Zomi Christian Fellowship te'n Pa Cin Do Mang te innah lungdam bawl nuam takin dawnin Dr. Suan Muan Thang in naupangte letsong piakna leh mipi hanthotna nei in tha ngah mahmah uh a, Queensland a om Zomiten Jesu hong suah lungdam pawi bawl in nuamsa mahmah uh cih thu AustraliaZomi.com Queensland correspondent tung panin thutut kingah hi. Hun zatna maante : (click read more)

Lia Khawm Sian Hung in B.E (Electrical) zo thak

Thursday, 10 September 2009 11:07 Admin

Lia Khawm Sian Hung in Queensland University of Technology panin Bachelor in Engineering (Electrical) lawhcing takin zo cih thu kiza hi. Queensland a om Zomi tengin hih lawhcinna lungdampihna leh pahtawinain Pa Thang Muan te inn ah 9/9/09 ni in ann nekhawm uh hi. Lia Khawm pen 13/9/09 niin inn lam (Singapore) ah ong ciah san ta ding ahih manin nungak lai ahih phawk gu giugiau i om leh a contact info kizontawm kul ding hi.

(photos to be updated)

Admin note : Lia Khawm lungdampih mahmah hang, mai lamah zong Topa'n thupha hong pia to zel ta hen.

Add comment (2)

Queensland leh SA ah Zomi kibehlap

Friday, 24 July 2009 14:09 Admin

July 19, 2009 ni tak in Delhi panin Pa Thang Thawn Khai (Khaitawng) te innkuan Brisbane tung uh a, Zomi Community Queensland laiatpi Thang Muan in vanleng tualpi ah va dawn hi. July 23, 2009 niin makai a om thei bang teng in muakna hunpi khat Pa Khaitawngte innkuan zatpih uh a, a sawtloin Pawlpi min tawh ankuang umna zong neihpih sawm uh hi.

Pa Khaitawng pen kum 30 pha a, a khualui pen Gawng khua ahi hi. A zi min pen Nu Man Vung (kum 24) hiin, amau tanu khat Lia Niang San (kha 11) nei uh hi. Nu Man Vung' khualui pen Seitual ahi hi.

July 23, 2009 zingsang in Malaysia panin Tg. Biak Khan Thang Hatlang cidam takin Adelaide khuapi tung cih thu Zomi SA (Adelaide) laiatpipa tung panin kingah hi. Tg. Biak pen a khualui Chan Tazi hi.

Tua loin tukha ki pat cilin Syamah Lun' nu Nu Niang zong Adelaide khuapiah cidam takin hong tun thu zong kingah hi.

English Version :
Thang Thawn Khai (Khaitawng) and his family has arrived from Delhi to Brisbane on July 19, 2009. Thang Muan, the Secretary of Zomi Community Queensland went to pick them up at the airport. Some leader of the Zomi Community had a welcome function with the new arrivals and they are planning to have a feast together in the near future.
Khaitawng is 30 years of age and originate from Gawng village in Myanmar. His wife is Man Vung (24 years of age) and is basically from Seitual village. The couple have a girl child, Niang San who is 11 months old.

A report has been received from Zomi SA (Adelaide) Secretary that on July 23, 2009 morning Biak Khan Thang Hatlang has arrived from Malaysia to Adelaide city. Biak is basically from Chan Tazi village.

Moreover, the report cites that Nurse Lun's mother Nu Niang also arrived Adelaide earlier this month.

Add comment (0)

Last Updated on Friday, 21 August 2009 12:48

Zomi Community, Queensland tawh kisai

Monday, 06 July 2009 10:35

Brisbane, Australia a om Zomite pen kum 2 paisa a kipanin Zomi Community Queensland cih min tawh na kipawlkhawm uh hi. Member pen 20 pha hi. AustraliaZomi.com Queensland administrator dingin Ningpi memberte'n kithutuak takin na teel uh hi.

English Version : The Zomi community living in Brisbane, Australia form a group called Zomi Community Queensland since 2 years. There are 20 members in this group. The members have voted Miss Ningpi to be the AustraliaZomi.com Queensland administrator.

Add comment (0)

Last Updated on Friday, 21 August 2009 12:48

Powered By T3 Framework